Situata e pandemisë COVID-19 që preku vendin prej marsit të vitit 2020 prodhoi efekte në të gjithë sektorët e shoqërisë dhe funksionalitetit të mekanizmit shtetëror.
Për të përballuar koston financiare të pandemisë institucionet publike, përfshirë ato të drejtësisë, u detyruan të rishikojnë dhe ridimensionojnë buxhetet e tyre.
Qendra Europiane me mbështetjen e Fondacionit Shoqëria e Hapur për Shqipërinë ka monitoruar këtë proces për sistemin e drejtësisë, duke evidentuar programet që janë prekur më shumë nga kjo situatë.